اوعـــــــــــــى تزعــــــــــــل

السلام عليكم ورحمة الله وبركاته

اخيراً حكتب الموضوع ده

كل ما اجى اكتبه تحصل حاجة


بس اخيرا كتبته ويارب ميكونش تقيل على قلبكم

ندخل فى الموضوع

كل ما تلاقى حد زعلان او متضايق

وتيجى تتكلم معاه وتقوله مالك وييجى يحكيلك

تلاقيه مجروح من ان اعز الناس ليه

ضربه فى ضهره او غشه او خدعه

لما كل الناس ياعينى مخدوعة ومظلومة امال مين الظالم؟

لازم نبص لنفسنا من وجهة نظر تانية

ليه منبقاش احنا اللى خلينا اقرب الناس لينا يعمل معانا كده

ليه على طول شايفين العيب فى غيرنا ومش شايفينوا فينا

وليه متقولش ان هو كمان قاعد بيشتكى لحد تانى دلوقتى

ان صاحب عمره ( اللى هو انت ) غشه او خدعه

ولا انتم رأيكم ايه؟؟؟؟؟؟؟؟

المهم

ان مش هو ده اللى انا عاوزه !!!!!!!!!!!!!!!


اللى انا عاوزاقوله بجد


حنتفترض انك فعلا اتخدعت واتغشيت

من اخر حد تتصور منه كده

حيكون شعورك ايه؟؟؟؟؟؟؟؟

لما يجى حد ينصحك ويقولك متشيلش فى نفسك

ده ميتزعلش عليه

طبعا الرد السريع والاكيد هو ........

انا مش زعلان عليه انا زعلان على نفسى

صح؟؟؟؟؟؟؟؟؟؟؟؟؟

مش هو ده اللى كلنا بنقوله؟؟؟؟؟؟؟؟؟؟؟؟؟؟

هو ده بقى مربط الفرس

ممكن يكون اللى زعلك ده

واحد انت كنت بتشعر ناحيته

باحاسيس حلوة اوى وهو للاسف ميستحقهاش

خدها منى نصيحة 000

اوعى تندم فى يوم على اى احساس حلو

حسيته ناحية حد

اوعى تقول انك كنت عبيط وغبى

لا0000 انت كنت حساااااااااااااس اوى

صحيح حتاخد بالك بعد كده

لكن بجد انت كسبان كل لحظة حلوة عشتها معه

لانك ساعتها مكنتش عارف باللى جواه

انت كنت بتدى وبس

خليه هو اللى يزعل من نفسه

لانه ضيع فعلا احساسك ناحيته

هو خسر متعة الاخذ لكن انت كسبت

متعة اكبر هى متعة العطاء

افرح بنقاء سريرتك

افرح انك مش انت اللى مكانه


افرح انك عرفت دلوقتى بدل ما كنت تعرف بعدين


افرح ان ربنا اختارك من وسط كل الناس


للموقف ده لان بجد رب ضارة نافعه

ما يمكن كنت حتقع فى موقف اصعب من ده الف مرة

وربنا وقعك فى الهين عشان لما يجى الشديد

تبقى واخد بالك

مش تقع فى الصعب على طول وتبقى النتيجة متتصلحش

اصل اللى حصل حصل

مش حينوبك غير وجع القلب وحرقة الدم

اتعلم من الغلطة دى كويس

اوى عشان متكررهاش

لكن متخليهاش تنغص عليك عيشتك

انت الكسبان فى الاخر صدقنى

انا عارف انى طولت عليكم

لكن حاجة قلت نشترك فيها سوا

يمكن انا غلط

يمكن صح 00وحد يستفاد

مستنية رأيكم